NAGA CITY- Irido an sarong lalaki makalihis na i-hostage kan sarong soltero an saiyang pamilya sa banwaan nin Libmanan, Camarines Sur.
Sa nakuang impormasyon kan Bombo Radyo Naga, napag-araman na bigla na sanang nilock kan suspek na si Mark Guerrero an saindang harong sa Zone 6 barangay Taban sa nasambitang banwaan asin tinutukan nin kutsilyo an mga biktima na sinda Joseph Diestro, 56-anyos asin si Margie Guerrero, 44-anyos.
Pighumaan pa suboot ni Mark an buhay kan saiyang pamilya mantang yaon an mga ini sa laog kan saindang harong.
Tulos man na nagresponde an mga tanod sa nasambitang barangay asin naisalbar an mga biktima alagad nagsapo nin lugad sa saiyang walang abaga si Diestro na marikas na pigdalagan sa ospital.
Dae pa man maaraman kan mga otoridad ano an posibleng motibo sa pang-ho-hostage kan suspek sa saiyang pamilya.
Nagtitinir na ngonyan sa kostudiya kan mga kapulisan an suspek na si Mark mantang nagpapadagos pa an imbestigasyon sa nangyaring hostage taking.
