Soltero na nahahampang sa kasong murder, arestado sa manhunt ops sa CamSur

NAGA CITY- Naarestar sa pigkondusir na manhunt operation an sarong soltero na nahahampang sa kaso sa Sipocot, Camarines Sur.

Binisto an suspek na si Rey Vergel Faller, 19-anyos.

Nadakop an suspek makalihis an operasyon na pigkondusir sa barangay Sagrada Familia sa nasambitang banwaan.

Nahahampang si Faller sa kasong murder na mayong pigrerekomendar na pyansa para sa saiyang temporalmenteng libertad.

Napag-araman na si Faller an rank number 1 sa listahan kan ten municipal most wanted person kan PNP Sipocot.

Sa ngonyan, nagtitinir na sa kostudiya kan mga otoridad an nasambitang suspek para sa maninigong disposisyon.