Pigbawalan na makabiyahe sa ibang nasyon si South Korean President Yoon Suk Yeol.
Kasunod ini sa plano kan prosecutor na masunadan nin kasong insurrection huli sa pagpapautob kaini nin martial law kan nakalihis na semana.
Alagad dawa na nakasalbar si Yoon sa impeachment vote sa parliamento na pigpapamayuhan kan mga oposisyon, dae pa man giraray sigurado an saiyang posisyon.
Hagad kan mga kaalyado kaini an saiyang pagbutas sa puwesto asin suspendiron sa saiyang panunungkulan tangani na maprotehiran soboot an saindang nasyon gikan sa matinding peligro.
Marurumduman na nagdara nin matinding kaanggutan gikan sa mga residentes kan South Korea an pagsagibong pagdeklarar ni Yoon nin Martial Law kun saen nagsagibo nin paboto an mga members of parliament sa National Assembly building tangani na ipawarang bisa an nasambitan ng deklarasyon.
Makalihis an labi sa anom na oras, pigbawi man giraray Yoon an deklarasyon asin ini tulos na naghagad dispensa sa saiyang mga residentes.
