Nagdeklarar nin martial law si South Korean President Yook Sul Yeol.Ini an enot na pagkakataon na ipinautob an martial law sa South Korea.
Dae man binanggit ni Yoon kun ano an huma gikan sa nuclear-armed na North Korea asin imbes nakapokus ini sa mga kalaban sa pulitika sa nasyon.
Sa irarom kan martial law an ipinagbabawal an anuman na aktibidad sa parliyamento asin political parties mantang an mga media asin publishers an nasa irarom nin kontrol kan martial law command.
Pigharangan na man kan kapulisan an mga entrada kan establisyemento nin Parliamento.
Nahahampang sa kontrobersya an agom ni Yonn huli sa kurapsyon orog na an stock manipulation asin pag-ako kan mga mamahalon na Dior handbag.
Kan nakalihis na bulan an naghagad si Yoon nin kapatawadan sa publiko huli sa ginibo kan saiyang agom.
Plano man kaya kan mga oposition leaders na i-impeach an mga cabinet members orog na an mga government audit agency huli ta bigong imbestigaran an first lady.
Puon kan magtukaw kan nakalihis na taong-2022 nahahampang na si Yoon kan manggana ini sa People Power Part asin dinaog si Lee Jae-myung.
