NAGA CITY – Naglalaom an mga South Korean’s na madagos-dagos na an magayon na pag-iribanan sa pagultanan kan North asin South Korea magin kan Estados Unidos.
Ini makalihis an pinakaenot na beses na pagtungtong ni US President Donald Trump sa border kan Demilitarized Zone (DMZ) na nagsusuway sa North asin South Korea.
Sa report ni Bombo International Correspondent Sylvia Espinosa, dawa nagin mahigot an ipinautob na security measures sa lugar alagad labi soboot an kaogmahan kan mga South Koreans sa nasambitan ng pangyayari.
Sigon ki Espinosa, makalihis an enot na makasaysayang pag-uulay ninda North Korean leader Kim Jong Un asin South Korean leader Moon Jae-In, garo nagin silensyo asin nabawasan na an paghandal kan mga namamanwaan sa mga huma gikan sa North Korea.
Apwera digdi, bukas naman soboot sa pagtatao nin tabang an South Korean government sa North Korea arug kan suplay nin tubig asin pagkakan.
Katakod kaini, dawa an mga Overseas Filipino Workers (OFW) an ikinaogma man an matrayumpong pagbisita ni Trump sa Korean Peninsula.
