Pigtuligsa ni Senate President Tito Sotto III an naging pagbatikos ni Chinese Embassy Spokesperson Ji Lingpeng sa resolusyong ini-adopt kan Senado kontra sa nagkapirang opisyal kan Chinese embassy.
Kan nakalihis na Lunes, pinapusog kan Senado an Senate Resolution 256 na nagkokondenar sa nagkapirang opisyal kan Chinese embassy na binatikos an nagkapirang mga opisyal kan nasyon pati an mga senador na nagdedepensar sana sa teritoryo kan Pilipinas.
Sigun ki Sotto, garo mawot soboot selenciohon kan Chinese Embassy an Senado sa pag-apod sa sainda na ipokrito asin mayong aram huli sa pigpaluwas na posisyon kan mga senador sa resolusyon.
Dugang pa ni Sotto, pigsaysay ni Lingpeng na pigtatakot kan Senado an mga Chinese diplomats alagad padagos man sindang nagtaram kontra sa mga lehislador asin pig-apod an resolusyon na sarong political stunt.
Pigtawan duon pa kan Senate President, ibabalik sana ninda an parehas na pahayag kan Chinese embassy official na garo kakadikit sana an naaraman sa diplomasya sabay hirit na an respeto an kaipuhan na kusang itao asin dae pigpipirit.
