Mabalyo sa paperless system asin magamit nin blockchain technology an House of Representatives puon sa taong-2026.
Ini an pig-anunsyar ni House Speaker Faustino Bojie Dy III na nagsabing obheto kan lakdang na pakusugon an transparency, seguridad, asin integridad kan mga proseso sa Kongreso, kaibahan na an pagpepreparar asin pagproseso kan pambansang badyet.
Kun naisakatupadan, an Pilipinas an nagigin enot na legislative body sa Asya na magamit kan nasambitan ng teknolohiya. Isasagibo an inisyatiba sa tabang kan Department of Information and Communications Technology.
Sigun ki Speaker Dy, an tiwala kan mamamayan sa pagmamanehar an dae nabibilog sa tataramon sana kundi sa paagi kan konkretong aksiyon.
Parte soboot ini kan mas mahewas na programa kan reforms asin modernization kan Kongreso.
Liwat na pinagtibay man kan Speaker an saiyang paninindugan sa paninimbagan asin pagpapanumbalik kan tiwala kan publiko mantang nagdadangadang an bagong taon.
Sa sarong video message, pinasalamatan kaini an mga lehislador sa saindang higos asin kakayanang magdangog sa ibong kan pagkakaiba-iba kan pananaw, siring man an mga kawani kan Kamara na saiyang inapod na harigi kan institusyon.
Binisto man ni Dy an pagkadismaya kan publiko asin nangapodan nin pagkasararo, paggalang asin malasakit sa paghampang sa 2026.
Ipinahayag man ni Dy an saiyang kamawotan para sa sarong makabuluhan asin igwang prinsipyong bagong taon para sa nasyon.
