Pigkumpirmar ni House Deputy Speaker Rep. Ronaldo Puno na mabutas na si Speaker Martin Romualdez sa saiyang posisyon komo lider kan Kamara.
Sigun ki Puno, obheto kan lakdang na ini an mamantinir an reputasyon Mababang Kapulungan sa tahaw kan mga kontrobersya katakod kan flood control projects asin pambansang budget.
Pirang report an nagsasabi na pighahali na an mga gamit ni Romualdez gikan sa saiyang opisina, kabali na an saiyang nameplate komo Speaker, na orog na nagpapakusog sa baretang pagbaba kaini sa puwesto.
Nagin emosyonal soboot si Romualdez mantang nagpapaaram sa nagkapirang kaalyado kaini.
Matanog man an pangaran ni Rep. Faustino “Bojie” Dy III komo posibleng bagong House Speaker asin igwang nagkapirang lehislador na nag-post na man sa social media dapit sa piglalaomag pagbabago sa liderato.
