Liwat na pigtawan duon ni Speaker Ferdinand Martin Romualdez na an West Philippine Sea an parte kan teritoryo kan Pilipinas asin man an pagdepensar digde, an importante para sa pambansang kasalbaduhan.
Pahayag ini ni Speaker kasabay kan saiyang promosyon komo Auxiliary Vice Admiral kan Philippine Coast Guard (PCG). Inatendiran an seremonya kan mga opisyal kan Coast Guard na pinangenutan ninda Admiral Ronnie Gavan asin Vice Admiral Edgar Ybañez.
Sinabi ni Sepaker na dae dapat na matugot an mga Pilipino na magin dehado sa sadiring kadagatan kaya man nagkakanigo sana na dae magpadaog sa sadiri man na teritoryo.
Pigtawan duon man kaini na an Coast Guard an enot na depensa kan nasyon kontra sa agresyon, pananakot, asin iligal na paglaog kan mga dayuhang lunadang pandagat. Komo Speaker kan Kamara, sinabi pa kaining padagos na ibubusol an pambansang soberanya asin man integridad kan teritoryo.
Nagpahayag nin pasasalamat si Speaker Romualdez sa Philippine Coast Guard sa pagkakaloob sa saiya nin promosyon sa Auxiliary branch kaini.
Bilog na pig-oorgulyo ni Speaker Romualdez na dara kaini an bagong ranggo bako komo palamuti, kundi man komo sarong panata kan saiyang dedikasyon sa pagdepensar sa nasyon. Labi man an pagpasalamat ni Speaker Romualdez ki Admiral Gavan sa pigtao soboot na tiwala.
