Pigsierto ni House Speaker Martin Romualdez na dae ninda tutugotan asin kukunsintihon an anuman na korapsiyon sa House of Representatives.
Kasimbagan ini ni Romualdez sa pangapodan kan mga business leaders asin civil society tanganing tuldukan na an korapsiyon sa gobyerno.
Hurot kan Speaker na saiyang pigrerespeto an pangapodan kan business community asin kan civil society na tapuson na an korapsiyon sa gobyerno asin an saindang pagkahadit, valid.
Maduon na kinondenar kan business community an talamak na korapsiyon sa gobyerno partikularmente sa Department of Public Works and Highways.
Pagsierto ni Speaker na dae kaini kukunsintihon an anuman na salang gibuhon sa anuman na ahensiya kan gobyerno.
Inihayag ni Speaker Romualdez gabos kan mga alegasyon dapit sa mga anomalya an saindang iimbestigaran.
Ipinag-orgulyo ni Speaker na ngunyan na 20th Congress igwang mga ipinautob na reporma an Kamara sa budget process tanganing mantiniron an tiwala kan publiko.
Tanganing mamantinir an transparency sa budget hearings asin bicameral deliberations, ini bukas na ngunyan sa publiko.
Pigsierto man ni Speaker na isasairarom ninda sa mahigot na pagsusuri an lump-sum asin unprogrammed appropriations.
