Pinuri ni Speaker Ferdinand Martin G. Romualdez an 2.6 milyong dugang na trabaho sa pagpupuon kan 2025 basado sa pinakabagong Labor Force Survey (LFS), saro soboot patunay sa matibay na pag-uswag kan ekonomiya kan nasyon sa irarom kan administrasyong Marcos.
Pigtawan-duon ni Speaker Romualdez an dakulang paglangkaw kan trabaho sa sektor kan agrikultura, na soboot malinaw na patunay na epektibo an mga programa kan gobyerno sa pagpapakusog kan seguridad sa pagkakan asin pagpapauswag kan komunidad.
Pigpunto ni Speaker na alagad maski nakapagtao nin paglaom an mga trayumpo na ini, kinakaipuhan pa man soboot an dagos-dagos asin panghaluyan na paghihingowa tanganing masierto an pag-uswag kan trabaho, inklusibo asin matatag sa gabos kan sektor.
Basado sa LFS kan nakalihis na Marso 6 na ipinaluwas kan Philippine Statistics Authority (PSA), binanggit ni Speaker Romualdez na an sektor kan agrikultura an nagkurit kan pinakahalangkaw na paglangkaw kan trabaho na igwang 883,000 bagong hanap buhay kan nakalihis na Enero.
Pigsunudan ini kan wholesale asin retail trade, kaibahan an pagkumpuni kan mga lunadan asin motorsiko, na igwang 850,000 bagong trabaho; accommodation asin food service activities na igwang 533,000 trabah; asin transportasyon asin imbakan na igwang 141,000.
Pigtawan-duon man ni Speaker Romualdez na alagad maski nagkukusog an sektor kan agrikultura asin serbisyo sa pagkriar nin trabaho, nawara man an 209,000 na trabaho sa sektor kan pagmamanupaktura kan nakalihis na Enero.
Ipinahayag kaini an pangangaipuhan na pakusogon an kakayanang pang-industriya tanganing masierto na an pag-uswag kan ekonomiya kan nasyon, balanseng nagkikriar nin matatag asin de-kalidad na mga trabaho.
Pigsierto man ni Speaker Romualdez sa publiko na an Kongreso an labi na nakapokus sa pagpapautob kan mga lakdang tanganing suportaran an pagkriar nin trabaho asin pagpapahewas kan ekonomiya sa manlaen-laen na industriya.
Pig-enkaminar man kaini an matibay na pakikipagtabangan kan mga ahensiya kan gobyerno, mga negosyo, asin mga grupo kan obrero tanganing magbilog nin mga patakaran na makakatabang sa padagos na pag-uswag kan ekonomiya asin pagkriar kan trabaho.
