Pinuri ni Speaker Ferdinand Martin Romualdez si Presidente Ferdinand Marcos Jr., na nagibo kaining mapauli pabweltadang Pilipinas an Pinay drug mule convict na si Mary Jane Veloso na nahahampang sa death row sa nasyong Indonesia.
Ini makalihis i-anunsyar ni Presidente Marcos na makakauli na nin Pilipinas si Veloso makalihis an 14 taong pagkakakulong.
Ikinaogma man ini kan pamilya ni Veloso sa Nueva Ecija.
Pigsaysay ni Speaker na an piggibo kan Presidente an patunay na pigtatawan kaini nin prayoridad an kapakanan kan mga Filipino orog na an mga OFWs.
Dugang pa ni Speaker Romualdez na an pagbwelta sa Pilipinas ni Veloso an maikokonsiderar na triumph of hope, diplomacy, asin justice.
Nagpasalamat man si Speaker Romualdez sa Indonesian President na si Prabowo Subianto manungod sa nasambitan ng lakdang.
Pigsierto man ni Romualdez na ipagpapadagos kaini an pakikikoordinar sa manlaen-laen na govrnment agencies na nagbilog kan mga polisiya tanganing protektaran an mga OFWs asin saindang kaparientes.
