Special Investigation Task Group, binilog na katakod kan Canadian slay case sa Batangas

NAGA CITY– Nagbilog na ngunian nin Special Investigation Task Group (SITG) an Batangas Police Provincial Office na matutok sa kaso kan panggagadan sa sarong Canadian national sa syudad nin Batangas.

Sa nakuang impormasyon kan Bombo Radyo Naga gikan sa Batangas-PPO, napag-araman na obheto kan SITG “Barry Gamon” na maparikas an pag-iimbebstigar sa nasambitan ng kaso asin madaling madakop an soboot duwang gunmen.

Kung marurumduman, kan nakaagi sanang Domingo nin banggi kan pagbabadilon an mag-agom na Barry Gamon, 66-anyos asin Luzviminda Gamon, 45-anyos mantang nasa hampang kan saindang gate.

Tulos man na idinalagan sa ospital an mag-agom alagad idineklara ng dead on arrival si Gamon mantang nagpaparahay man sa ngunian an esposa kaini.