Kinumpirmar kan superstar kan Golden State Warriors na si Stephen Curry na mabali ini sa 3-Point Contest sa 2027 NBA All-Star Weekend na gaganapon sa balwarte kan Phoenix.
Ginibo ni Curry an anunsiyo antes magpuon an All-Star Game sa Inglewood, California, kun saen nagpahiling nin gilas pa ini sa paagi kan sarong tura gikan sa poco mas o menos 40 talampakan na swak tulos sa net.
Sigun ki Curry, “One hundred percent… I already scheduled it,” komo pagsisierto sa saiyang pagpartisipar.
Si Curry an duwang beses nang nagkampeon sa nasambitan ng kompetisyon, enot kan nakalihis na 2015 asin liwat kan taonh-2021, alagad dae na ini liwat nakabali puon pa kaidto.
Sa presente, kapot kaini an record sa NBA nin 4,233 regular-season 3-pointers asin 650 postseason treys, na nagpapatunay sa saiyang reputasyon komo pinakamahusay na shooter sa historya kan liga.
Apwera digde, sinaysay kaining poporbaran kaining enkaminaron an dating kasurog na Klay Thompson na ngunyan nasa Dallas Mavericks, na magbali man sa event.
Mientrastanto, si Damian Lillard kan Portland Trail Blazers an kasuarin sanang nanggana sa 3-Point Contest ngunyan na 2026, na nagin ika-tolong beses na kaining titulo makalihis an kapangganahan kan taong-2023 asin 2024.
Sa ibong kan saiyang Achilles injury kan nakalihis na Abril 2025, matrayumpo pa man ining nakapagkawat asin nakapagkurit nin historya komo saro sa mga pinaka-dominanteng shooter sa kompetisyon.
An pagpartisipar ni Curry sa 2027 an piglalaomang madara nin dakulang interes asin excitement sa mga fans, orog na ta ini an pigbibistong lalawgon kan modernong three-point shooting.
