Kinasuhan kan dating pag-iriba sa bandang The Police an singer na si Sting.
Ini an makalihis na mawaran nin royalties an banda sa mga kantang ginibo ninda puon 1977 hasta 1984.
Pigsunad kan gitaristang si Andy Summers asin drummer Steweart Copeland an reklamo sa High Court.
Basado sa reklamo kan duwa na dae sinda nabayadan nin tama sa kontribusyon sa mga kantang”Roxanne” asin “Every Breathe You Take”.
Alagad mayong writing credits sindang nareseber sa sonata, nagkaigwa sinda nin oral agreement na pagbabarangaon an kita puon pa kan 1977 asin ini an saindang napirmahan sa sarong kontrata.
Mientrstanto, pigpahimutikan man ni Sting an alegasyon na dae nabayadan an mga dating ka-banda kaini.
Marurumduman, binilog an banda kan 1977 asin nagin matrayumpo sa United Kingdom.
Taong 1984 kan mabuwag an grupo kun saen nagbilog nin sadiring banda an lead singer na si Sting o Gordon Sumner sa totoong buhay.
