Aram baya nindo mga ka-bombo an Western Poland sa Notecka Forest an lugar kun saen mahihiling an pig-aapod na most controversial buildings. Ini an sarong medieval-style complex na bistado komo Stobnica Castle.
An konstruksyon kan Stobnica Castle nagpuon kan 2015, alagad dae tolos ini nakaguno nin atensyon sa bilog na kinaban hasta mag-abot an 2018. An mga tawo kan taong 2018, mawot maaraman kun isay an nakaistar sa nasambitan ng kastilyo.
Katakod kaini, an Aerial photos kan 15-storey medieval-like castle an nagin viral na nagin rason tanganing mas orog na makaguno nin kadakol na atensyon gikan sa publiko.
Sa presente, haros pirang taon naman an nakakalihis kan magin headline kan mga bareta sa Poland an lugar, alagad maski nagin sentro ini kan kadakol na court battles an misteryo na nakapatos sa struktura an nagtitinir na sekreto.
Kadakol na mga tawo an dae nagtutubod na maski pa an pinakamayaman na tawo sa kinaban an magastos nin nasa $91 million sa pansadiring residensiya.
