TABLADO sa Palasyo ng Malakayang an suhestyon ni Sen. Rodante Marcoleta na isuko kan gobierno an kadagaan sa Kalayaan Group of Islands.
Pigsaysay ni Palace Press Officer Atty. Claire Castro, na mayong isusuko maski sarong pulgada kan daga sa nasambitan ng lugar.
Pigtawan duon pa ni Castro, malinaw an paninindugan ni Presidente Ferdinand Marcos Jr. na mayo ining isusuko maski katiting na daga sa pig-aakong isla kan China sa West Philippine Sea (WPS).
Kun ano soboot an interes asin kun ano an ipiglalaban kan nasyon iyo an prayoridad kan Presidente kontra sa mga makapangyarihang nasyon.
Paliwanag pa ni Castro, na pabayaan na sana an Presidente asin an Department of Foreign Affairs (DFA) na magdesisyon dapit sa Kalayaan Island Group asin bakong kung siisay sana na pwedeng makapagpainit sa sitwasyon sa pag-ultanan kan Pilipinas asin China.
An pahayag ni Castro an kasimbagan sa suhestyon ni Marcoleta na isuko na sana an Kalayaan Island huli ta lagpas na ini sa exclusive economic zone o EEZ kan nasyon.
Nakaguno man nin batikos an mga pahayag ni Marcoleta gikan sa mga retiradong mahistrado asin mga abogado huli ta garo ibang nasyon pa an pigpapaboran ni Marcoleta.
