Pigplano kan Department of Agriculture (DA) na ilunsar an pig-apod na sulit rice asin nutri rice na ipapabakal sa hababang presyo sa 2025 komo New Yaer offering sa mga Pilipino.
Sa pulong balitaan ngunyan na aldaw kan Sabado, ipinaliwanag ni Agriculture Assistant Secretary Genevieve Guevarra na an nutri rice an kulay brown na bagas na ipapabakal sa presyong P38 kada kilo mantang an sulit rice man an puti alagad sobrang pino na ipapabakal man sa presyong P36 kada kilo.
An mga bagong varieties kan bagas an dugang soboot sa P40 kada kilo na local asin imported well-milled rice na presenteng pigpapabakal sa Kadiwa Stores.
Mientrastanto, pigplano man kan DA na magbukas pa nin duang na Kadiwa Kiosk sa darakulang public marketsa sa bilog na nasyong siring sa Metro Rail Transit asin Light Rail Transit stations.
