NAGA CITY- Nagkakapirang oras makalihis laugon kan suboot mga miembro kan rebeldeng New People’s Atmy (NPA) an sarong rancho sa Quezon, tinambangan man kan mga ini an
tropa kan Engineering Brigade kan Philippine Army sa Barangay Bacong, General Luna, Quezon.
Sa impormasyong ipinaabot kan General Luna-PNP, sinaysay kaini na tulos sindang nagsagibo nin checkpoint operation sa manlaenlaeng lugar sa banwaan makalihis tambangan kan mga pigtutubudang New People’s Army an tropa kan militar kun sain nagkakapira man suboot sa mga ini an nairido.
Katakod kaini, nagpapadagos man sa ngunian an ginigibong imbestigasyon kan PNP mantang on going man an clearing operation kan mga kasuldadusan.
Sa ibong na lado, sarong makusog na pagsabog man an nadangog sa laog kan kampo kan Philippine Army sa banwaan nin Catanauan sa parehong probinsya.
Sigon sa Catanauan-PNP, inaaram pa ninda kun kagibo man kan mga miembro kan NPA an nasambitan ng insidente o aksidente sana an nasambitan ng pagsabog sa nasambitan ng lugar.
