NAGA CITY – Magigin operational na an Super Health Center sa Concepcion Pequeña sa maabot na taong-2026.
Sa nagin paghampang sa mga kagawad kan media ni Naga City Mayor Leni Robredo, sinaysay kaini na pakarhay na an pasilidad alagad kulang pa man soboot an mga gamit digde.
Dugang pa kaini na an nasambitan ng health center an mas magigin accessible sa mga taga Doña Clara alagad dae man ini magin accessible sa mga pagtaraid na barangay.
Sigun pa ki Robredo na dae ini mabubukasan sa masunod na bulan huli man ta dae man soboot ini nakabali sa budget ngunyan na taon.
Alagad pagsierto kan opisyal na sa masunod na taon maski sa bulan nin Enero magigin operational na ini huli man nakabali na ini sa saiyang pigsumiter na budget.
Pigheras pa kan alkalde na na gikan ki Senator Bong Go an pagpapagibo kan nasambitan ng pasilidad alagad dae man nakabali sa pondo kaini an mga kagamitan na kinakaipuhan kan health center.
Mientrastanto, pigtawan-duon pa ni Robredo na an ibang kagamitan digde an sainda man na pigsolicit sa manlaen-laen na ahensiya siring na sana kan DOH asin an iba man an gikan sa mga pribadong institusyon.
Obheto kan kan health center na ini an tanganing maparani na sa mga residentes kan Barangay Concepcion Pequeña an pagpapabulong na imbes na magpasiring sa opistal digde na man soboot sinda madalagan tuyong igwang kinakaipuhang tabang medikal.
