Kinumpirmar kan Eastern Mindanao Command (EastMinCom) na nagbagsak an sarong Super Huey helicopter kasuodma, sa palibot kan Loreto, Agusan del Sur mantangang pasiring sa Tactical Operations Group (TOG) 10 sa Butuan City.
An nasambitan ng lunadang panghimpapawid an nakatalaga para sa Humanitarian Assistance and Disaster Response (HADR) mission komo suporta sa mga relief operation katakod kan Bagyong TINO.
Padagos an isinasagibong rescue asin recovery operations sa lugar, katuwang an mga lokal na emergency response teams.
Nangapodan an EastMinCom sa publiko nin pag-intindi asin pakikisumaro mantang nagpapadagos an paghahanap sa mga crew kan nasambitan ng helicopter.
Mientrastanto, kinumpirmar man kan Philippine Air Force (PAF) na saro sa saindang Super Huey helicopters an imbwelto sa insidente harani sa kampo kan 60th Infantry Battalion sa Agusan del Sur.
Parte ini kan grupo kan apat na helicopters na naglupad gikan sa Davao pasiring Butuan tanganing magsagibi nin Rapid Damage Assessment and Needs Analysis (RDANA) mission.Nawara an komunikasyon sa nasambitan ng helicopter, rason tanganing tulos na magsagibo nin Search and Rescue (SAR) operation.
Isinagibo na an masusing imbestigasyon tanganing matukoy an rason kan aksidente.
Sigun sa PAF, nakatuon an gabos kan saindang paghihingowa sa SAR operations asin nagpapangadyo para sa kasalbaduhan kan mga piloto asin crew na sakay kan nagbagsak na helicopter.
Matao sinda nin dugang na impormasyon sa oras na ini an makumpirmar.
