NAGA CITY – Naapektaran an pagsuplay kan burak sa siyudad nin Naga kasabay kan pagkomemorar sa undas ngunyan na taon huli sa nakalihis na bagyong Krsitine.
Sa entrevista kan Bombo Radyo Naga ki Michael Dellosa, Flower vendor, pigsasay kaini na nahaloy sobot an pag abot kan mga burak huli ta kadakol an mga na trap na lunadan asin dae man tulos ini makaagi, kaya man kan nakalihis na petsa 30 pa sana nag-arabot sa siyudad kan Naga gikan sa Manila.
Ini an aldaw na nagbaba na an tubig sa mga agihan dara pa man kan bagyong Kristine.
Dugang pa digde, kadakol soboot an nagkararaot na burak huli man sa haloy na pagdeliver kaini.
Pigsaysay pa ni Dellosa na naglangkaw an presyo kan burak huli ta an dating nagkakantidad sana nin P300 kada dosena, nagpakol na P400.
Igwa man soboot nagpaparakyaw siringman nagpapa-arrange na nagdudulok na sana saindang stall.
Pigtawan-duon pa man kaini na an mga burak nagpupuon an kantidad sa P500 kun ini dae pa naka-arrange asin P600 kun ini na man naka-arrange na asin madepende pa sa kun anong klase kan burak an mawot kan costumer.
