Nagtitinir man na bastante an mga suplay nin sibulyas sa nasyon kasunod kan nagin paglangkaw kan presyo kaini sa mga nakalihis na semana, segun sa Department of Agriculture (DA).
Paliwanag ni DA Assistant Secretary for Special Concerns and Official Development Assistance asin Spokesperson Arnel De Mesa, piglalaoman na hasta sa bulan nin Pebrero maeeksperyensyahn an dagusan na pagbaba nin mga presyo kaini sa mga merkado huli sa mga na-stock na sibulyas sa mga cold-storage facilities.
Ini man an sakto sa magigin harvest kan mga paraoma para sa mga bagong ani kan sibulyas na hasta sa Marso an peak harvest.
Pag asegurar man ni De Mesa, mayo nin rason tangani maglangkaw ang presyo kan sibulyas nin huli ta dawa na maubos man an mga sibulyas sa mga storage facilities, tulos man na mariribayan nin mga bagong ani.
Mientrastanto, sa huring price monitoring kan ahensya sa mga merkado, naghihiro na sa mga presyo na P100 hasta sa P180 an kada kilo nin pulang sibulyas sa sain man na barakalan sa parteng Maynila.
