Pig-sierto ni Canned Sardines Association of the Philippines Executive Director Francisco Buencamino an bastante na supply nin sardinas sa ibong kan pag-iral kan ‘closed fishing season’.
Magpuon ngunyan na aldaw Nov. 1, ipapautob na soboot sa hilagang-silangan kan Palawan an closed-fishing season mantang mapuon naman sa November 15 sa Visayan Seas ain Zamboanga Peninsula.
Mahaloy ini sa tulong bulan kun saen pigbawal muna an mang dakop nin mga sira na mackerel asin sardinas.
Segun ki Buencamino, antes pa man an implementasyon kan nasambitan ng polisiya preparado na an saindang grupo tanganing masimbagan an demand o konsumo kan sardinas mantang yaon sa kasagsagan kaini.
Dugang pa man kaini, dati nang nag-tipon nin stock kan mga sardinas asin mackerel an grupo nin mga canned sardines manufacturer.
An mga natipong stock, dati nang piglaag sa mga storage facilities, nag agi sa processing plant, sin handang ipaluwas tanganing masimbagan an konsumo o demand.
Pig sierto pa man ni Buencamino na magigin bastante an nasambitan ng stock maski pa hasta sa kasagsagan kan holiday season kun saen piglalaoman man na mas malangkaw an konsumo.
