Ma-ako na an Korte Suprema nin aplikasyon para sa 2025 Bar Examination magpuon sa Enero-8. Basado sa announcement na pigpaluwas kan Supreme Court, mahaloy ini hasta Marso-17, 2025.
Segun man sa SC, kaipuhan na makumpleto an gabos nin mga applikante an saindang profile, application form, uploaded digital copy kan mga documentary requirement, asin magbayad nin P12,800 application fee sa paagi kan Bar Applicant Registration System and Tech Assistance (BARISTA), an nagsisirbing online platform kan Supreme Court.
Para sa mga bagong applikante, dati nang nag kua nin pagsusulit, asin mga refresher na mayo pang account sa BARISTA, pwede na magparehistro an mga ini sa paagi kan portal.judicialry.gov.ph.
Basado sa polisiya kan SC, enkaso naresiber na an notice of approval, kaipuhan na maisumiter kan mga applikante an printed asin signed copy kan saindang application form, kaiba na an physical copy kan mga mandatory requirement sa Office of the Bar Confidant (OBC).
An pagsusumiter kaini ay sa laog kan sampulong aldaw makalihis maresiber an notice of approval. An 2025 Bar exams an nakatalaan na isasagibo sa Sept. 7, 10, asin 14 sa pangengenot kan Associate Justice Amy Lazaro-Javier na masirbing chair.
