NAGA CITY– Nasa kamot na kan mga otoridad an suspek sa panggagadan sa babaeng nadukayan sa laog kan sarong hotel sa Barangay Bagasgas, Daet, Camarines Norte.
Binisto an suspek na si Cesar Sulivan kan banwaan nin Basud sa nasambitan ng probinsya.
Sa nagunong impormasyon kan Bombo Radyo Naga, napag-araman na personal na nagsuko ki Camarines Norte Gov. Egay Tallado si Sulivan kasubagong hapon.
Sa ngunian, nagpapadagos pa an pigigibong interrogation kan PNP-Daet sa suspek para maaraman an motibo sa nasambitan ng panggagadan.
Kung marurumduman, nadukayan na sana an bangkay kan biktimang si Sarah May Reyes Cabatingan sa laog kan sarong hotel sa nasambitan ng lugar na pano nin saksak an lawas.
