NAGA CITY- Nagpapadagos an ginigibong paglilinig kan Solid Waste Management Office-Naga sa mga pampublikong sementeryo sa siyudad nin Naga.
Sa entrevista kan Bombo Radyo Naga ki Engr. Joel Martin, pamayo kan Solid Waste Management Office-Naga, sinaysay kaini na nagpuon an saindang mga personahe sa paglilinig kan mga sementeryo makalihis sana an selebrasyon kan Peñafrancia Fiesta.
Katakod didgde, sa Naga City Public Cemetery sa Barangay Concepcion Pequeña nasa 50% na an saindang nalilinigan asin pigsierto na antes pa an mag-abot an petsa 1 kan Nobyembre malinig na an gabos na mga sementeryo para sa pagselbrar kan Undas 2024.
Sigun pa ki Martin, isusunod na linigan an mga nagkapira pang sementeryo na mas madali kaysa sa mga darakulang cemetery sa Naga City.
Apwera digde, madugang man soboot an saindang opisina nin mga garbage bin asin sisiertuhon na malinig tolos an mga sementeryo makalihis an Undas 2024. Mientrastanto, nakiulay man an opisyal sa publiko na likayan an pagkuriyat nin mga basura tanganing dae man masakitan sa pagmantinir kan kalinigan an saindang mga personahe.
Sa ngunyan, hagad na sana kaini an kooperasyon kan publiko para sa marhay asin matuninong na Undas 2024.
