Pigkundusir an sabayang pagsisindi nin mga kandila sa Libingan ng mga Bayani (LNMB) sa Taguig City komo parte kan pagkomemorar sa Undas.
Sabay-sabay na nagtirik nin kandila an mga kalahok sa kada puntod asin man sabay ining sinindihan komo paggirumdom sa mga namayapang suldados asin bayani kan nasyon.
Pinangenutan kan mga miyembro kan Girl Scouts of the Philippines an aktibidad na pigkonsiderar na Synchronized Lighting of Candles, sa irarom kan superbisyon kan Philippine Army, na iyong nangangasiwa sa nasambitan ng himlayan.
Nagbugtak man sinda nin sarardit na bandera sa kada krus komo simbolo kan paggalang asin pagbisto.
Sa kabilugan kan Undas break, nilalaomang mapakol sa 60,000 an numero kan mga nagbibisita sa LNMB. Enot nang pigsierto kan Philippine Army an bastante na seguridad sa lugar, katabang an Philippine National Police.
Kabali sa mga bistadong nakahimlay sa LNMB iyo sinda dating Presidente Ferdinand Marcos, Fidel V. Ramos, Carlos Garcia, asin iba pa.
