NAGA CITY- Pigsierto kan manhamiento kan Philippine National Railways (PNR) na tatawan ninda nin tabang an mag-amang nahagop nin tren subanggi sa ciudad nin Ligao.
Sa entrevista kan Engr. Jose Florece, division manager kan Naga-Albay Area kan PNR, sinaysay kaini na nakaandam an saindang opisina na magtao nin tabang sa pamilya ni Omar Martinez na pigbawian nin buhay asin sa nairido kaining aki na si Gorberto Rentoy.
Mientrastanto, nagpatanid si Florece sa mga motorista na maging alertado asin rigmat urog na kun mabalyo sa riles.
Sa ibong kan nasambitang insidente, inorgolyo man ni Florece na naging matrayumpo an liwat na pagpuon kan Naga-Legazpi train suodma.
Marurumduman na nahagop kan tren an tricycle na minamaneho ni Martinez mantang pabalyo ini nin riles sa barangay Tuburan sa ciudad nin Ligao, alas-6:15 subanggi.
Nahagop suboot kan tren an likudan na parte kan tricycle kaya man nakaapon ini asin nagtama pa sa semento an payo ni Martinez na nagresulta sa saiyang kagadanan.
