Nagpatanid si Taiwanese President Lai Ching-te sa mga nasyon sa Indo-Pacific Region na pwedeng magin sunod na target kan China enkaso masakop an saindang teritoryo.
Sa sarong entrevista sa Presidential Office Building sa Taipei, sinaysay ni Lai na kun nagin annex kan China an Taiwan, dae mauntok digde an pagpapahewas pa kan mga ambisyon kan China.
Inilahad ni Lai na an sunod na mga nasyong pwedeng mabugtak sa huma iyo an Japan, Pilipinas asin iba pang nasyon sa rehiyon, na pwedeng maghewas soboot an epekto sa Americas asin Europe.
Kasuarin sana soboot pinaghahali an Chinese generals gikan sa military kan China, na sarong bakong pangkaraniwang sitwasyon.
Sa ibong kaini, dae natitinag an Taiwan asin padagos sa saindang pagpepreparar.
Marurumduman, naenot nang nagpatanid si Chinese Xi Jinping sa Amerika kontra sa pagpapabakal kan mga armas sa Taiwan alagad sinaysay ni Lai na matindog an US sa Taiwan asin dae ini gagamitong “bargaining chip” sa China.
