Pinatunayan kan mga Italians, na ini pa man giraray an Kings of Volleyball kan mag trayumpo an koponan sa nakalihis na FIVB Men’s World Championship para sa second consecutive time makalihis an pag trayumpo man kontra sa Bulgarian side, sa iskor na 25-21, 25-17, 17-25, 25-10, sa hampang kan tournament na haros igwa nin estimated 16,429 crowd sa Mall of Asia Arena kan nakalihis na Dominggo.
An team captain kan Italy na ngunyan two-time Best Setter na si Simone Giannelli pigheras an spotlight sa importansya kan pagmantinir kan legasiya sa Philippines, asin ipahiling an kawat na volleyball komo rising sport, orog na an pag inspirar sa gabos na mga kajovenan na Pinoy.
Kaipuhan na maggibo nin sarong bagay na mahusay sa saindang presensya sa kada nasyon na saindang pigbibisita, dugang pa ni Giannelli makalihis na ipahiling an saiyang tibay sa pagkawat kaiba an mga mahuhusay man na sinda Yuri Romano, Mattia Bottolo asin MVP Alessandro Michieletto.
Saro si Giannelli sa anom na parakawat, kaiba man sa sainda an team Captain kan Alas Pilipinas na si Bryan Bagunas, na ipininta sa mural kan outdoor court sa Parañaque, sa Volleyball Legacy Art Project.
