Labi an pasasalamat kan mga personahe kan TESDA Pili sa probinsiya kan Camarines Sur makalihis na sulamenteng ma-awardan tanganing magin Regional Training Innovation Center sa enterong Bicol Region.
Sa entrevista kan Bombo Radyo Naga ki Marjorie Orosco, Public Information Officer, Registrar I kan TESDA Pili, sinaysay kaini na na nasambitan ng proyekto an pigpondohan kan Asian Development bank asin pigtatao sa mga Regional Centers na nagsusuporta sa Innovation siringman sa Technical asin Vocational Education.
Sigun ki Orosco sa 17 Regional Trainings Center sa bilog na Pilipinas, maswerteng napili an saindang opisina na saro sa mga matatawan nin pondo para sa pag-implementar kan programa. Katakod digde, dae soboot piglaoman kan TESDA Pili an siring na onra alagad labi man sindang naoogma sa opurtunidad sa pigtao sa sainda.
Pigtawan duon pa kan opisyal na an saindang pondo na nakua an gagamiton tanganing mas pakusugon pa an values na igwa an TESDA asin patunayan na kayang makapag-produce nin skilled Filipino workforce.
Sa paagi pa kan nasambitan ng pondo, maidedeliver an mandato kan saindang ahensiya na makatabang sa pagpapa-uswag kan industriya nin paggawa. S
Sa ngunyan, nag-abot na sana ini nin pasasalamat sa gabos na mga nagtarabangan tanganing makua an nasmabitan ng onra.
