Nagsabog an sarong Tesla Cybertruck sa luwas mismo kan hotel ni President-elect Donald Trump sa Las Vegas, saro an gadan asin pito an irido segun sa mga otoridad.
Pigsaysay ni US President Joe Biden na padagos an pigsasagibong imbestigasyon na posibleng may kinaraman sa pag ulatanan kan Las Vegas explosion asin an attack man na nangyari sa New Orleans na may nagadan man na haros nasa 15 indibidwal.
Alagad, nagpatanid si Biden na mayo pang nakuang siring na mga ebidensya.
An FBI asin an lokal na gobyerno, nagpapautob kan ley na nagsabi na sinda nagtutubod na an nasambitan ng pagsabog kan Tesla sarong suhay sana man na insidente, alagad sinda nag-iimbestigar kun ini sarong “akto nin terorismo.”
An mga kua sa video nagpapahiling kan stainless steel na trak na nakaparada sa entrada kan hotel antes nagsabog, na sinundan nin mas saradit na pagsabog na garo mga paputok.
Sinabi ni McMahill na igwa nin sarong nagadan na indibidwal sa laog kan Cybertruck, mantang pitong tawo an nagsapo nin minor na mga lugad.
FBI agent na si Jeremy Schwartz ilinadawan an pagsabog sa Las Vegas komo sarong isoladong pangyayari asin an FBI joint terrorism task force nagsasagibo nin imbestigasyon na may duwang mayor na katuyuhan iyo an tanganing kumpirmaron an pagkakabistuhan kan subject na imbuelto sa insidenteng asin tanganing determinaran kun ini sarong akto nin terorismo o bako.
