Nagpromesa an Prime Minister kan Thailand na si Anutin Charnvirakul na ipaotob an mas estriktong mga ley sa badil pagkatapos na an sarong 14-anyos na estudyante nag-shoot rampage sa Nonthaburi na guminadan nin walong tawo asin naka-irido nin 22.

Enot na ginadan kan 14-anyos an saiyang mga lolo asin lola antes nagduman sa Debsirin School, kun saen binadil kaini an limang paratukdo dangan naggadan kan saiyang sadiri.

Sinabi kan pulis na an ginamit na badil asin bala pagsasadiri kan saiyang lolo asin legal na rehistrado. Sinabi kan Prime Minister na an bagong ley malimitahan an pagsasadiri nin badil kan publiko asin tutugutan sana an mga opisyales kan gobyerno na nakabantay na magdara kaini.

An pangyayari nagtao nin duon sa halangkaw na bilang nin mga sibilyan na igwa nin badil sa Thailand, na pigkakarkulong 10.3 milyon, kabali an apat na milyon na ilegal.