Abanse na an koponan kan Oklahoma City Thunder sa 3-2 lead makalihis manggana sa aGame 5 kan NBA Finals kontra sa Indiana Pacers.
Dae na nakabuhat an Pacers sa ibong kan pagpirit kan koponan na makabawi sa 2nd half kan laban.
Dae man nagin magayon an performance kan saindang star na si Tyrese Haliburton na pinirit man makabawi sa 2nd half alagad nakapagrehistro sana ini nin 4 points sa kabilugan kaibahan an anom na rebounds asin anom na assists.
Mientrastanto, nakapagkurit man nin dakulang puntos si Thunder forward Jalen Wiliams asin nagambag man an guard na si Shai Gilgeous-Alexander.
Magabat an nagin depensa kan Thunder kun kaya labing nadipisilan an Pacers na mahabol an score kan kalabanan na koponan.
Mabwelta sa home court kan Indiana an Game 6 kun saen piglalaoman na mas orog pang magigin magayon an laban kan duwang team.
