Nangengenot pa man giraray an defending champion na Oklahoma City Thunder sa pinakahuring power ranking na iniluwas kan liga.
Ini an sa ibong kan nagkapirang pagbabago sa roster kan koponan, pirang semana makalihis na 2025 championship.
Kaibahan sa mga player kan koponan na nagdesisyong maghali sinda Dillon Jones, Kenrich Williams asin Colby Jones.
Sigun sa liga, kapot kan 2025 NBA Champion an hasta 11.8 point differential sa lambang matchup.
Nagibo man kan Thunder na duminaron an 71 regular-season games kaining nakalihis na season kun saen sa lambang kawat an lamang an koponan kan double-digit.
Mayong ibang team an nakagibo kaini sa nakalihis na 29 season.
Apwera digde, nakapagkurit man an Thunder nin kadakol na comeback win (18-10) maski na an deficit an mag-abot pa sa double-digit.
Panduwa sa bagong power ranking an 2023 NBA champion na Denver Nuggets mantang pantolo an Houston Rockets.
Kapot man kan Minnesota Timberwolves an ika-apat na pwesto mantangan Los Angeles Clippers an nasa pang-limang pwesto.
An duwang bigating team na Los Angeles Lakers asin Golden State Warriors an magkasunod sa ika-anom asin ika-pitong pwesto.
Nagtitinir pa man na kulelat an Utah Jazz sa ika-15 o huring pwesto sa western conference.
