Dae maitago ni Gilas Pilipinas coach Tim Cone an excitement sa liwat na pagsabak kan Gilas Pilipinas para sa 2025 FIBA Asia Cup.
Pigsaysay kaini na preparadog-preparado na an koponan orog na ta kaibahan ninda sa Group D an mga pamilyar na koponan na saindang nakahampang kaidto.
Sa nasambitan ng grouping kaya kaibahan ninda an New Zealand, Chinese Taipei asin Iraq.
Sa last window kan FIBA Asia Cup kan nakaliihis na Pebrero parehas dinaog kan Gilas an New Zealand asin Taipei.
Mantang an Iraq an haloy nang dae nakahampang kan Pilipinas kun saen an huring paghahampang ninda an kaidto pang 2017 kan daugon ninda an mga ini alagad sa ibang mga lineups o parakawat.
Sa mga masunod na semana, posibleng iluwas ni Cone an inisyal na mga lineups na saiyang isasabak sa FIBA Asia Cup na mapuon sa bulan kan Agosto.
