Isiniwalat ni Senate Committee on Finance Chairman Sherwin Gatchalian na pareho sana an contractors sa soboot korapsiyon sa flood control projects sa kasuarin sannag nanutarang anomaly sa mga farm-to-market road projects kan Department of Public Works and Highways (DPWH).
Sa 2024 national budget, napag-araman na overpriced nin P10.3 billion an mga farm-to-maket roads na manunutaran sa Tacloban City, Camarines Sur, Bulacan, Eastern Samar asin Daraga Albay.
Nagluluwas na P15,000 sana an benchmark na kantidad pero overpriced nin P348,000 kada metro an pigpapagibong tinampo.
Sa sarong pulong balitaan, sinaysay ni Gatchalian na tolo sa top 15 flood control contractors na pigsiwalat ni Presidente Ferdinand Marcos Jr., an nagkobra man nin kontrara sa mga farm-to-market roads.
Kaibahan digde an Hi-Tone Construction na pagsasadiri kan tugang ni dating Congressman Zaldy Co, na si dating Congressman Christopher Co.
Pighihimay man kan senador kun nakakobra man an mga kontratista sa ibang mga proyekto kan gobyerno apwera pa sa mga flood control projects.
Huli digde, pigrerekomendar ni Gatchalian sa Blue Ribbon Committee asin Independent Commission for Infrastructure (ICI) na masirip na man an soboot overpricing na mga farm-to-market roads sa ibang probinsiya sa nasyon.
Mas marhay soboot na maimbestigaram na man an nasambitan ng proyekto apwera sa flood control scandal huli sa mga natuklasang anomalya.
Pigrekomendar na man na maibalyo na sana an farm to market roads projects sa irarom kan Department of Agriculture (DA). Igwang na man kakayahan an ahensiya na maipautob an nasambitan ng proyekto.
