NAGA CITY- Irido an tolong indibidwal makalihis an aksidente sa kalabaan kan tinampo sa Barangay San Agustin, Pili, Camarines Sur.
Binisto an mga nairido na sinda Arnulfo Buenavante, driver kan motorsiklo, backrider kaini na si Antonio Cabalquinto, 49 anyos asin an pedestrian na si Ernesto Nacario, 57 anyos.
Sa nakuang impormasyon kan Bombo Radyo Naga, napag-araman na binabagtas kan motorsiklong minamaneho ni Buenavante kaibanan an backrider kaini an kalabaan kan tinampo sa nasambitang lugar kan aksidente kaining maligis an pabalyo na si Nacario na nagresulta para magkaturumba ini.
Huli digdi, nagsapo nin lugad sa manlaen laeng parte kan saindang lawas an nasambitang mga inidibidwal na tulos man pigdalagan sa ospital para maipabulong.
Sa ngonyan, nagpapadagos pa an imbestigasyon kan mga otoridad manungod sa nasambitang pangyayari.
