Nagkaigwa nin kakaibang twist sa inaabangang boxing showdown sa pag-ultanan ni Philippine National Police Chief P/Gen. Nicolas Torre III asin acting Davao City Mayor Sebastian “Baste” Duterte makalihis na dae sumipot an alkalde sa laban.
Huli man digde, idineklarang gana by default si General Torre.
Alagad sinabi ni Duterte na hindi ini available nin Dominggo huli taigwa ini nin ibang mga prior commitment.
Inabangan kuta an laban komo parte kan civic exhibition events na may obhetong ipahiling an sportsmanship kan mga public figures asin iheras man an mga nalikom na tabang gikan sa ticket sales.
Sigun sa organizers, may bastante na oras asin abiso ki Duterte tangani mag atendir, alagad ini an nasa Singapore, kaiba kan saiyang pamilya.
Kadakol an nanghinayang sa posibilidad na mahiling na magkaatubang an duwang personalidad sa ring.
Si General Torre an dating atleta asin bistado sa saiyang aktibong lifestyle dawa komo opisyal kan PNP.
Makalihis an dae nadagos na laban, nagheras nin tabang si Torre sa mga taga Baseco Compound na nasalanta kan bagyo asin habagat.
Bitbit kaini an relief items siring kan bagas, canned goods, tubig, bulong, asin hygiene kits para sa mga residente.
An Baseco an kabali sa mga pinaka-naapektaran kan sunud-sunod na bagyo sa nakalihis na semana.
Kaiba sa relief operation an mga tauhan kan PNP Community Affairs and Development Group (CADG).a
Nagpasalamat man an mga residente sa marikas na aksyon kan PNP dawa na mayong kinaraman sa laban.
Sigun ki Torre, mas importante an makatabang, kaysa magpakasikat sa ring.
An dae pagsipot ni Duterte an nagin laog kan mga diskusyon, asin kadakol man an nagpaabot kan kanya-kanyang opinyon.
Siringpaman, pigsierto kan PNP na andam si Torre kun idagos an laban sa ibang aldaw.
Napagraman na bako ini an primerong pagkakataon na imbwelto si Torre sa mga non-combat civic events; aktibo ini sa fun runs asin outreach missions.
