NAGA CITY- Nagtutubod si Deputy House Speaker Fredenil Castro na posibleng magkaigwa nin dakulang epekto an kinakahampang ngonyan na impeachment asin pagbubutas sa pwesto ni Chairman Andres Bautista sa Commission on Elections (Comelec).
Ini an sinaysay kan lehislador sa entrevista kan Bombo Radyo Naga.
Sigon ki Castro, an pag-anunsyar ni Bautista kan saiyang pagbubutas sa pwesto asin an pagpapa-impeach digdi kan Kamara igwa nin dakulang epekto sa mawawalat kaining opisina.
Posibleng maprakasar suboot an nagkapirang trabaho sa Comelec urog na sa mababakanteng posisyon ni Bautista mantang hinahalat pa kun sisay an iriribay ni presidente Rodrigo Duterte sa nasambitang pwesto.
Mientrastanto, nagtutubod man si Castro na dapat nang ibasura an impeachment laban ki Bautista.
Mayo na suboot nin rason para pag-olayan asin busision pa kan Kongreso an nasambitang reklamo huli ta enot pa sana nahilingan na ini nin kawaran nin bastanteng porma.
