Pigsierto kan Department of Labor and Employment na padagos kaining pakukusugon an mga programang nagtatao nin trabaho sa mga kahimanwang Pilipino.
Kabali na digde iyo an pagpapahewas kan programang “Trabaho at Serbisyong Pangkalusugan sa Bagong Pilipinas”. Sigun sa DOLE, katabang ninda sa nasambitan ng programa an manlaen-laeng concerned agency kan gobyerno.
Target man kan inisyatibong ini na matawan nin trabaho an benepisyaryo kan 4Ps katabang an mga lokal na gobyerno magin an Public Employment Service Office o PESO.
Mientrastanto, ngunyan man na maabot na Labor Day, sinabi kan ahensya na saindang ipapadagos an taunang job fair na igwa nin temang “Manggagawang Pilipino, Kaagapay sa Pag-unlad, Sandigan ng mas Matatag na Bagong Pilipinas.” Pakukusugon man kan ahensya an JobStart, SPES, asin Government Internship Program para sa mga joven.
Katakod kaini, pigsierto kan DOLE na nagtitinir an saindang commitment sa paghahatod nin makabuluhan, matatag, asin makatao na trabaho sa gabos nin kahimanwang Pilipino.
