NAGA CITY – Sa kulungan an bagsak kan pamayo kan Traffic Management Center kan syudad nin Naga makalihis madakop sa operasyon kan Criminal Investigation and Detection Group (CIDG)-Camarines Sur.
Binisto an suspek na si Arnulfo Fausto, 47-anyos.
Sa entrevista kan Bombo Radyo Naga ki PMaj. Rommel Labanan, Provincial Officer kan CIDG-CamSur, sinaysay kaini na enot na soboot sindang nakaresibe nin mga report katakod kan pagpapaputok nin badil ni Fausto sa lugar kaini sa Bagong Sirang Brgy. Sabang sa parehong syudad.
Katakod kaini, ipinasairarom si Fausto sa buy bust operation kunsaen nakumpiskar digdi an sarong caliber 45, magazine na may mga laog na live ammunition asin an labi sa P17,000 boodle money na ginamit sa transaksyon.
Sigon ki Labalan, nadiskobre pa soboot ninda na mayong lisensya an bardil na pigpapabakal ni Fausto.
Mientrastanto, ngunian na aldaw nakatalaang sunadan nin kasong pagbalgar sa RA 10591 o an possession of illegal firearms and ammunition an nasambitan ng suspetsado.
