Preparado soboot si dating Sen. Antonio Trillanes IV na magsunad nin ethics complaint kontra ki Sen. Ronald Dela Rosa kun mahaloy pa an pag-absent kaini sa halangkaw na kapulungan.
Ini an kun mayong ibang magsunad nin kaso kontra sa senador.
Sigun ki Trillanes, masyado pang amay tanganing magsunad nin reklamo sa Senate Ethics Committee huli ta sarong bulan pa sana puon kan nagpuong mag-absent an senador, kasunod na man kan nagbutwa na impormasyon na igwa nang iniluwas an International Criminal Court (ICC) na warrant of arrest kontra sa saiya.
Siring man, kun matatapos na soboot an 4th regular session kan Senado, pwede nang maisunad an reklamo kontra sa senador tanganing isuspinde o halion ini sa nasambitan ng kapulungan.
Kun mag-abot an nasambitan ng panahaon, asin mayo soboot magkusog boot na magsunad nin kaso kontra sa dating Philippine National Police chief, nakapreparar soboot an dating senador na magbilog kan reklamo.
Paliwanag pa ni Trillanes, kun dagusang hahalion si Bato sa Senado, kaipuhan na sanang mag-elehir nin 13 senador sa 2028 National Elections tanganing panoan an natatadang 3 taon sa termino ni Sen. Bato.
Marurumdumang liwat na-elihir sa ikaduwang pagkakataon komo senador kan Pilipinas si Senator Dela Rosa kan 2025 Midtem elections.
An nasambitan ng termino an mahaloy hasta 2031 kun nuarin gaganapon liwat an midterm polls.
