Sinayumahan man San Juan Regional Trial Court (RTC) Branch 160 an kahagadan ni Senator Jinggoy Estrada na temporary restraining order (TRO) kontra ki dating DPWH Bulacan first district assistant engineer Brice Hernandez.
Naenot na kayang nagsunad an Senador nin kasong sibil para sa danyos kalakip an kahagadan na TRO asin injuction kontra ki Hernandez tanganing mapugolan ining maggibo nin mga alegasyon kontra sa Senador.
An kaso an igwang kinaaraman sa paratang ni Hernandez kontra sa Senador na nakaresebir soboot nin kickbacks gikan sa maanomaliyang flood control projects.
Alagad, sinaysay ni RTC Presiding Judge Aicitel Lascano-Nethercott sa resolution na mayong otoridad an korte na pagbawalan an legislative committee gikan sa pagmamandato sa sarong indibidwal na maghampang asin magtestigos sa inquiries.
Paliwang pa kan hukom na pig-iisyu sana an TRO kun an nasambitan ng ulayan an igwang “extreme urgency”.
Mientrastanto, nilinaw man kan kampo kan Senador na sulamenteng TRO sana an sinayumahan kan korte alagad nagtitinir na nakabinbin an aplikasyon para sa Writ of Preliminary Injuction asin nakatalaang dangugon sa Nobyembre 12 kun saen tatawan am magkaibong na kampo nin tyansa na magpresentar kan saindang mga argumento asin ebidensiya.
