Natumtom nin kalayo an mga kargang gulay asin iba pang mga agricultural products kan biglang magkalayo an tractor truck na
piglulunadan kaini sa Barangay Santa, Atimonan, Quezon.
Sa nagunong impormasyon kan Bombo Radyo Naga gikan sa Atimonan-PNP, napag-araman na pigbabagtas kan truck na
pigmamaneho ni Fernado Masilungan, 49-anyos, an highway sa lugar pasiringun sa Lucena City kan bigla na sanang nagkaigwa
nin short circuit sa makina hasta dagos ining masulo.
Mientrastanto, sa entrevista ki SPO3 Warren Macawili kan Atimonan-PNP, kinumpirmar kaini na dae man nalugadan an driver na
si Masilungan magin an kaibahan kaini na truck helper.
Sa ngunyan padagos pang pig-aaram kan otoridad an kabilugang danyos kan naunambitan na insidente.
Pagirumdom na sana kan otoridad sa publiko na hilinguna maray an mga gagamitun behikolo antes magbyahe.
