Nag-overtime sa pangangampanya si Kamala Harris asin Donald Trump tanganing makua an mga botante sa Michigan.
Marurumdumang dinaog ni Presidente Joe Biden an Republican na si Trump sa 155,000 na margin sa Michigan kan 2020 kun saen nakakua siya nin labi-labing suporta gikan sa mga komunidad nin Muslim asin Arabong Amerikano.
Ini sarong dakulang pagbabago gikan kan 2016, kan dinaog ni Trump si Hillary Clinton sa 11,000 na boto.
Si Harris napapaatubang sa mas dakulang angat huli sa mahewasang kaanggotan asin pagkabigo sa padagos na suporta militar kan Estados Unidos sa gera kan Israel sa Gaza, asin ngonyan sa Lebanon.
Si Trump direktang nag-apelar sa komunidad nin mga Arabong Amerikano asin nanuga na tapuson an mga giyera sa Tahaw na Sirangan na personal na nakaapektar sa kadaklan.
Mientrastanto, nagtao si Trump nin pinal na pahayag nin suporta sa Pennsylvania, an pinakadakula sa pitong estado na piglalaoman na magdedesisyon sa eleksyon presidensyal kan Estados Unidos.
Si Harris nagtao man nin pantapos na pahayag para sa saiyang pagkapresidente kan Estados Unidos sa sarong makasaysayan na Black Church sa battleground state kan Michigan
