Nakatakdang pag-ulayan ni US President Donald Trump asin Russian President Vladimir Putin an pagkagadan kan mga trabahador sa sarong plague research center sa Siberia.
An pag-ulay na ini nagmamawot na maliwanagan an mga pangyayari dapit sa insidente.
Alagad, dai kinumpirma ni Kremlin spokesman Dmitry Peskov an nakatalaan na pag-ulay sa telepono asin saiyang inakusaran an media nin pagpaluwas nin salang impormasyon.
Tiniyak man ni Peskov na an insidente suminunod sa standard practice kan World Health Organization (WHO).
Nagpadara na an White House nin diplomatikong mensahe sa Russia, na naghahagad nin dugang na impormasyon.
Sa ngunyan, iniimbestigaran kan Russia an pagkagadan kan sarong 28-anyos na biktima, kun sain an mga nakasalamuha kaini nagnegatibo sa hinihinalang pneumonic plague.
Segun sa WHO, an pneumonic plague igwa nin halipot na incubation period na 24 oras asin nakakagadan kun dai tulos maagapan.
