Ipinahayag ni U.S. President Donald Trump an saiyang pagkadismaya makalihis an pakikipag-ulat sa telepono ki Russian President Vladimir Putin katakod kan pigbubusol na ceasefire deal sa Ukraine.
Sigun ki Trump, garo mayong intensiyon si Putin na punduhon an kariribokan.
Dae man soboot napag-ulayan an paramientras na pag-untok kan Amerika sa pagpapadara nin armas sa Ukraine, sigun sa report sa Kremlin aide na si Yuri Ushakov.
Makalihis sana an pirang oras gikan sa pag-uulay, pigreport kan mga opisyal sa Kyiv an ginibong drone attack kan Russia na nagkawsa nin kasulo asin ribayan nin putok sa rehiyon.
Katakod kaini, nakatalaan man na makipag-ulay si Trump ki Ukrainian Presidente Volodymyr Zelensky tanganing pag-ulayan an pagkauktaba kan military aid.
Alagad maski dae pa dahusang pigpundo kan Amerika an pagtatao min military aid, pigtawan-duon ni Trump na “naubos” soboot ni dating U.S President Joe Biden an stockpile kan nasyon.
Mientrastano, tahasang sinaysay man kan Kremlin, na bukas sinda sa pag-urulay, alagad pigtawan-duon na dapat direkta na sana an saindang pag-uulay sa tahaw kan Russia asin Ukraine – na mayong pakikiaram kan Amerika.
