Liwat na naggapo nin magagabat na akusasyon si U.S. President Donald Trump kontra sa dating Presidente kan Amerika na si Barack Obama na pig-apod kaining traydor asin taksil.
An mga pahayag ni Trump an nagsunod sa report ni Director of National Intelligence Tulsi Gabbard, na nagsumiter nin criminal referral kontra sa administrasyong Obama kun saen naggibo soboot nin mga pekeng intelligence report tanganing magpuon nin taon-taong kudeta kontra ki Trump.
Hurot kan kampo ni Obama, mayo sa dokumento an nagpapatotoo na nabago an mga boto kan nakalihis na taong-2016, asin nagtitinir na totoo an konklusyon kan bipartisan Senate Intelligence Committee kan nakalihis na taong-2020 na pinamayuhan ni Sen. Marco Rubio na pigporbaran soboot impluwensiyahan kan Russia an eleksiyon alagad dae ini nagtrayumpo.
Sa sarong press conference kaibahan si Presidente Ferdinand Marcos Jr., pigtawan-duon pa ni Trump na si Obama an “leader of the gang” sa soboot sabwatan asin binanggit man sinda Joe Biden, James Comey, James Clapper, asin John Brennan.
Nagbuwelta man an kampo ni Obama asin sinaysay na dae na dapat tawan pa nin pansin an mga mayong basehang paratang gikan sa administrasyon ni Trump na saro soboot maluyang taktika tanganing maglikay sa tunay na isyu kan Amerika.
